Paroles B.r.a.n.d.härd de Brandhärd

Textes et Paroles de B.r.a.n.d.härd

Drey mol dörfsch rote, welli Drey wieder am Start sind.
Triple trouble us em Baselbiet, s'isch ächt dr Wahnsinn!
Keini drey Frogezeiche, dasch klar wie toti Leiche,
sondern die drey Sieche wo Stefan, Joël und Tobi heisse.
Mir sin quietschfidel, hän immer no Beats mit Seel.
Fierce, was goht? Nimmsch immer no viel z'viel Gel!
Mit dere Frise gsehsch jo us wie e Handtäschedieb,
doch abgseh drfo, bisch e ganz nätte Siech,
wo ganz näbebyy no die derbste Beats baschtled.
Lägg bin ych privilegiert! Was würd ych ohni dich mache?
Nei ehrlich, ych schwör, ych find dini Beats easy.
Jedes mol wenn ych sie ghör, krieg ych e styyfs Pfyyfli.
Und das will öppis heisse, das kunnt nid oft vor.
Im Verglyych zu dine Beats sind alli andre softcore.
Fierce du bisch dr Härtischt, ych will wie du syy.
Ych bi di grösste Fan und dis grösste Groupie.

Vom áB zum áR, das stoht für Beat und Rap.
Zum áA.N.D. für alles andere, wo dr DJ prägt.
Und áHärd stoht ganz eifach für dött wo's härkunnt.
Baselbiet unsri Härkunft, Musik unser Schwärpunkt.

Mir wän uffträtte wie Krankheite, im Suff flashe wie Stammbeize.
Willsch wirklich e áNoochbrand? Kauf d'Maxi, gang heime!
Mir gän no lang eine, bringe dr ganz Club zum koche,
burne euch so-gar mit Hutt und Knoche.
Dr Johny isch dr Chefkoch, regiert über d'Härdplatte
und serviert uns Beats, bis unsri Härz flattre.
Do hett är s'sage, das isch si Hoheitsgebiet.
Drum lömmer ihn gärn mache: Du bisch e so geile Siech!
Dä Typ cutted hart mit sim Plattearm. Ych frog mi:
áWie macht dä das? Wenn ych näb ihm im Schatte stand.
Usserdäm hett er s'Format vom ene Wandschrank,
was mängmol dr Aschyyn erweckt, är sig chli langsam.
Doch das isch verdammt falsch, är bildet lediglich s'Gegegwicht
zu däm Typ do vorne, wo ständig am rede isch.
Zu däm gstrandete Hansdampf mit dr Bühni als Sandbank
wo Hals über Kopf rappt, als läbt er im Handstand.

Cuts: Schreib wie'n Gestörter jede Nacht neue Burner. Meine These: Rap ist gut für Seele und Körper.

Refrain

Es goht um d áLiebi zur Sach wie bi dr Tafs.
Ihr wänd áFette Rap? He jo, denn kriege dr das!
Ihr sind die tryybendi Kraft, wo uns dr Rucke stärkt.
Jäwohl, ihr gänd uns Power und mir euch umgekehrt.
Mir sind mit euch unde wie Akkus und doch g'lade wie Batterie,
hän no soviel Phantasie, wo mr wän uf Platte schryybe.
Trage keini Scheuklappe, dien a Neuem schaffe
weils für uns nütt schöners git, wenn ihr vor Freud klatsched.
Es isch Zyt euch z'danke: ihr mached uns e Riesefreud.
Mir kämpfe zämme für s'Rächt uf Party wie d'Beastie Boys.
Mir hän's niemols mies mit euch, drum gits au immer meh Neus,
bis mr alt und bärtig sind wie Hüüser mit Efeu.
Ych gseh euch an dr Konzärt, immer wenn mr uffträtte.
Die Momänt sin so viel wärt, merci fürs uffpäpple!
Euri Mithilf ka nie schade, sälbscht bim reime
und wenn ihr no richtig abgöhnd, bin ych mit dr Wält im Reine

C'était les paroles de B.r.a.n.d.härd
Voir les autres titres de Brandhärd.